Lipjan, 5 Dhjetor 2022 – Në kuadër të aktiviteteve të Planit të Veprimit Rinor Lokal 2022/24 të Komunës së Lipjanit dhe me rastin e Ditës Ndërkombëtare të Vullnetarëve, organizata YAHR shpalli Antigona Hysenin si Vullnetare e Vitit 2022.

Antigona është njohur për angazhimin e saj të palodhur në mbi 50 aktivitete vullnetarizmi gjatë vitit 2022. Ajo ka qenë lider i grupit “ToGether”, i cili promovon socializimin e të rinjve përmes sportit, dhe ka organizuar me sukses kampin veror 2022, duke mbledhur mbi 60 të rinj lipjanas.

Ky shpallje vjen si një njohje e përkushtimit dhe kontributit të Antigonës në forcimin e komunitetit dhe në inkurajimin e aktivizmit rinor. Organizata YAHR nxit të rinjtë e tjerë të angazhohen në aktivitete vullnetarizmi dhe të kontribuojnë në zhvillimin e një shoqërie më të bashkuar dhe aktive.