Më 1 Qershor, në sheshin “Adem Jashari” në Lipjan, u përmbyll me sukses festimi i Ditës Ndërkombëtare të Fëmijëve, një ngjarje që u mbush me gëzim dhe ngjyra!

Të dashur prindër dhe fëmijë,

Falë pjesëmarrjes suaj të jashtëzakonshme dhe atmosferës së mrekullueshme që krijuat, aktivitetet tona ishin një sukses i vërtetë. Gëzimi dhe buzëqeshjet e fëmijëve ishin frymëzimi ynë më i madh dhe theksuan rëndësinë e këtij festivali në jetën e tyre.

Një falënderim të veçantë shkon për aktivistët tanë të palodhshëm, të cilët punuan me përkushtim për organizimin dhe realizimin e këtij eventi të paharrueshëm. Kontributi juaj ishte i paçmueshëm dhe jemi krenarë për bashkëpunimin tonë.

Po ashtu, një mirënjohje të thellë për nxënësit dhe personelin arsimor të shkollës SHFMU “Ismajl Luma” në Lipjan, të cilët kontribuuan në këtë festë me përkushtim dhe energji pozitive.

Këto momente të bukura do të mbeten gjithmonë në zemrat tona. Ju falënderojmë të gjithëve për pjesëmarrjen dhe përkrahjen tuaj të vazhdueshme. Pa ndihmën dhe entuziazmin tuaj, ky festim nuk do të ishte i mundur. Gëzuar Ditën Ndërkombëtare të Fëmijëve dhe deri në ngjarjen tjetër të mrekullueshme!