Formulari i Marrëveshjes Prindërore

KY DOKUMENT I LIRIMIT NGA PËRGJEGJËSIA e liron Youth Association for Huaman Rights (YAHR) nga përgjegjësia, detyrimi dhe obligimi financiar në lidhje me pjesëmarrjen e të miturës së lartëcekur, para, gjatë dhe pas ngjarjes në fjalë, apo në lidhje me ngjarjet me leje apo pa leje, transportimin në lidhje me ngjarjen apo ndonjë aktivitet tjetër. Unë e kuptoj se pjesëmarrja është në baza vullnetare dhe, ndonëse do të bëhen të gjitha përpjekjet për sigurinë e pjesëmarrësve të ngjarjes, YAHR-ja nuk është përgjegjëse për ndonjë lëndim apo sëmundje që mund të ndodhë. DETYRIMI, HUMBJA APO DËMTIMI: Ky dokument i lirimit nga përgjegjësia e liron YAHR-në nga të gjitha veprimet, pretendimet, kërkesat apo dëmet në lidhje me pjesëmarrjen në ngjarjen e lartëcekur apo që rezultojnë nga ndonjë lëndim, humbje apo dëmtim të njohur a të panjohur të shkaktuar si rrjedhojë e pjesëmarrjes në këtë ngjarje, apo në ndonjë aktivitet të palejuar gjatë datave të lartëcekura të ngjarjes. OBLIGIMET PËR SJELLJE TË DUHUR: Unë e kuptoj që YAHR-ja ruan të drejtën për ta larguar nga ngjarja këdo për prishje të qetësisë dhe pajtohem që t’i mbuloj të gjitha shpenzimet e nevojshme për transportimin për në shtëpi të pjesëmarrëses së larguar. Unë e pranoj se YAHR-ja nuk do të veprojë në cilësinë e kujdestarit e as nuk do të sigurojë personel për të vepruar në cilësinë e kujdestarit gjatë aktiviteteve në kuadër të ngjarjes. PUBLIKIMET PROMOVUESE: Unë jap leje për përdorimin e emrit dhe të fotove të pjesëmarrësit/pjesëmarrëses të bëra gjatë ngjarjes për materiale promovuese e publikime, apo për botim në faqen e internetit ose llogaritë në rrjetet sociale të YAHR-së. URGJENCAT MJEKËSORE: Unë i kuptoj rreziqet e lidhura me pjesëmarrjen dhe transportin deri në vendin e mbajtjes së aktiviteteve në kuadër të ngjarjes dhe jap leje për trajtim urgjent mjekësor në rast të ndonjë lëndimi apo sëmundje. Unë i autorizoj përfaqësuesit nga ngjarja e mbështetur apo YAHR-ja që të kërkojnë trajtim mjekësor për fëmijën tim gjatë datave të lartcekura të ngjarjes, dhe marr përsipër përgjegjësinë për shpenzimet që dalin apo që mund të dalin si rrjedhojë e urgjencave mjekësore lidhur me pjesëmarrjen në ngjarje. Unë e kuptoj dhe pajtohem që YAHR-ja nuk do të mbahet përgjegjëse për ndonjë keqinterpretim, gabim apo keqkuptim si rrjedhojë e përkthimit të këtij formulari për lirim nga përgjegjësia.