THIRRJE PUBLIKE: Për angazhimin e Trajnerit/es së IT-së
THIRRJE PUBLIKE
Për angazhimin e Trajnerit/es së IT-së
Projekt: Qendra e Komunitetit Dixhital – Tech CAFE
Organizata zbatuese: Youth Association for Human Rights (YAHR)
Vendndodhja: Lipjan
Kohëzgjatja e angazhimit: Afatshkurtër / sipas aktiviteteve të projektit (12 muaj)
Përshkrimi i Projektit
Youth Association for Human Rights (YAHR), në partneritet me Kosovo Education Center (KEC), po zbaton projektin “Qendra e Komunitetit Dixhital – Tech CAFE”, i cili synon rritjen e përfshirjes dhe fuqizimit dixhital të grave, vajzave dhe të rinjve në Komunën e Lipjanit, përmes trajnimeve praktike, sigurisë dixhitale dhe përdorimit të shërbimeve publike online.
Në kuadër të këtij projekti, YAHR shpall konkurs për angazhimin e një Trajneri/e IT, i cili/a do të udhëheqë trajnime dhe sesione praktike për përfituesit e projektit.
Detyrat dhe Përgjegjësitë Kryesore
Trajneri/ja i/e angazhuar do të jetë përgjegjës/e për:
- Zhvillimin dhe zbatimin e trajnimeve bazë dhe funksionale të IT-së për gra, vajza dhe të rinj
- Trajnime praktike mbi:
- Aftësi bazë dixhitale (kompjuter, internet, email, dokumente)
- Përdorimin e shërbimeve publike online (e-Kosova, shërbime komunale)
- Sigurinë dixhitale dhe mbrojtjen e të dhënave personale
- Përshtatjen e përmbajtjes së trajnimit sipas nivelit të pjesëmarrësve
- Ofrimin e mbështetjes praktike gjatë sesioneve në Qendrën Dixhitale “Tech CAFE”
- Përgatitjen e materialeve të trajnimit dhe raportimin e aktiviteteve të zhvilluara
- Bashkëpunimin e ngushtë me ekipin e projektit të YAHR
Kualifikimet dhe Kriteret e Kërkuara
Kandidatët duhet të plotësojnë këto kritere:
- Diplomë universitare në IT, Shkenca Kompjuterike, Inxhinieri Kompjuterike ose fusha të ngjashme
- Përvojë e dëshmuar në ofrimin e trajnimeve IT (përparësi puna me të rinj, gra apo grupe vulnerabël)
- Njohuri të mira në:
- Aftësi dixhitale bazë dhe funksionale
- Përdorimin e shërbimeve online dhe platformave publike
- Sigurinë dixhitale
- Aftësi të mira komunikuese dhe pedagogjike
- Aftësi për të punuar me grupe të ndryshme dhe nivele të ndryshme të njohurive
- Përparësi: përvojë në projekte të shoqërisë civile ose përfshirje komunitare
Dokumentet e Nevojshme për Aplikim
Të interesuarit duhet të dorëzojnë:
- CV profesionale
- Letër motivimi (maks. 1 faqe)
- Dëshmi për përvojën relevante (certifikata, referenca ose kontrata paraprake – opsionale)
Mënyra dhe Afati i Aplikimit
Aplikimet duhet të dërgohen në emailin:
info.yahr@gmail.com
Subjekti i emailit:
“Aplikim – Trajner/e IT – Tech CAFE”
Afati i fundit për aplikim: 20.02.2026
Vetëm kandidatët e përzgjedhur në listën e ngushtë do të kontaktohen për intervistë.
Informata shtesë
YAHR inkurajon fuqishëm aplikimin e grave dhe të rinjve profesionistë nga Komuna e Lipjanit dhe rrethina.