7-9 Korrik 2023 – Organizata YAHR ka organizuar një seri aktivitetesh në Stupeq të Madh, Rugovë, me qëllim të rritjes së pjesëmarrjes qytetare në proceset vendimmarrëse në nivel lokal. Këto aktivitete synojnë të kontribuojnë në ngritjen e mirëqenies së qytetarëve duke fuqizuar zërin e tyre në administratën lokale.

Në kuadër të aktiviteteve, janë realizuar punëtori trajnuese për ngritjen e kapaciteteve të Këshillave të fshatrave. Pjesëmarrësit u njohën me mekanizmat ligjorë dhe mënyrat për të identifikuar dhe adresuar kërkesat e tyre për zgjidhje në institucionet lokale. Këto trajnimet ishin të fokusuara në ofrimin e njohurive të nevojshme për të angazhuar qytetarët në proceset vendimmarrëse.

Një element kyç i këtij projekti është avokimi për krijimin e një memorandumi bashkëpunimi me kryetarin e Komunës së Lipjanit. Ky memorandum synon të forcojë lidhjet mes Këshillave të fshatrave dhe institucioneve lokale, duke krijuar mundësi më të mira për të adresuar nevojat e qytetarëve.

Ky projekt mbështetet nga programi i Fondacionit Kosovar për Shoqëri Civile (KCSF) “EJA Kosovë”, i bashkëfinancuar nga Agjencia Zvicerane për Zhvillim dhe Bashkëpunim (SDC) dhe Agjencia Suedeze për Zhvillim dhe Bashkëpunim Ndërkombëtar (Sida). Ky partneritet tregon angazhimin për të promovuar një qeverisje më të hapur dhe më të përgjegjshme, duke e inkurajuar qytetarët të bëhen pjesë aktive e procesit vendimmarrës.

Për më shumë informacion mbi aktivitetet e YAHR dhe mundësitë e angazhimit, qytetarët mund të vizitojnë faqen e tyre zyrtare.