Programi pë Rini – SHIFT (Shkathtësi, Iniciativa dhe Fuqizimi i Të Rinjve)

Në programin për rininë, Youth Association for Human Rights (YAHR) ka luajtur një rol të rëndësishëm në përmirësimin e angazhimit dhe zhvillimit të të rinjve në fushat e ndryshme. Puna e YAHR përfshin disa komponentë kryesorë që ndihmojnë në forcimin e rolit të të rinjve në shoqëri dhe në mbështetje të zhvillimit të tyre personal dhe profesional.

Një nga fushat kryesore të punës është rritja e angazhimit të rinisë në aktivitete vullnetarizmi dhe përfshirjen e tyre në vendimmarrje lokale. Përmes organizimit të tryezave dhe debateve, YAHR ka ndihmuar në krijimin e mundësive për të rinjtë të shprehin mendimet e tyre dhe të kontribuojnë në procese vendimmarrëse, duke i dhënë atyre një zë më të fuqishëm në komunitetet e tyre.

Në aspektin e përgatitjes profesionale, YAHR ka zhvilluar trajnime që fokusohen në zhvillimin e aftësive të buta të të rinjve. Këto trajnime janë të orientuara për të ndihmuar të rinjtë të përgatiten për tregun e punës, duke i ofruar atyre njohuri dhe aftësi të nevojshme për sukses në karrierë dhe jetën profesionale.

Gjithashtu, YAHR është angazhuar në edukimin mjedisor dhe në fuqizimin e të rinjve për të ndikuar në politikat mjedisore dhe në promovimin e barazisë gjinore. Përmes trajnimeve dhe aktiviteteve të ndryshme, organizata ka kontribuar në rritjen e kapaciteteve të rinjve në fushën e shkathtësive komunikuese dhe në angazhimin e tyre në çështje mjedisore, duke i ndihmuar ata të bëhen aktivë dhe të ndikojnë në ndërtimin e një bote më të qëndrueshme dhe të drejtë.